საქართველოს ეროვნული ნაკრების ახალგაზრდა ფეხბურთელების საბაზრო ღირებულება გაიზარდა. Transfermarkt-ის განახლებული მონაცემებით, გიზო მამაგეიშვილის, გიორგი კვერნაძისა და ირაკლი ეგოიანის პროგრესი მათ სატრანსფერო შეფასებებზეც აისახა.

23 წლის გიორგი კვერნაძემ წარმატებული სეზონი ჩაატარა იტალიურ „ფროზინონეში“. ქართველმა შემტევმა 36 შეხვედრაში 5 გოლი გაიტანა და 5 საგოლე გადაცემა გააკეთა, რის შემდეგაც მისი ღირებულება 3.5 მილიონიდან 4 მილიონ ევრომდე გაიზარდა.

გიზო მამაგეიშვილი, რომელიც ავსტრიულ „შტურმს“ ცოტა ხნის წინ შეუერთდა, ახალ გარემოს სწრაფად მოერგო. Transfermarkt-ის შეფასებით, მისი საბაზრო ფასი უკვე 1.2 მილიონ ევროს შეადგენს.

მნიშვნელოვანი პროგრესი აქვს ირაკლი ეგოიანსაც. ახალგაზრდა ფეხბურთელის სატრანსფერო ღირებულება 1.8 მილიონ ევრომდე გაიზარდა, რაც მისი განვითარების კიდევ ერთი დასტურია.

წყარო: asport.ge