ტრამპი პუტინს რუსული დიზელის მიწოდებაზე შეუთანხმდა: აშშ სანქციებს დროებით ამსუბუქებს

აშშ-ის პრეზიდენტის, დონალდ ტრამპის განცხადებით, რუსეთი ამერიკულ და მსოფლიო ბაზრებს დაუყოვნებლივ მიაწვდის 300 ათას ტონაზე მეტ დიზელის საწვავს. შეთანხმებას ტრამპმა ვლადიმირ პუტინთან გამართული მოლაპარაკების შემდეგ მიაღწია.ტრამპის თქმით, ნოემბერში რუსეთი დამატებით 500 ათას ტონა დიზელს გაიტანს ექსპორტზე, მოგვიანებით კი კიდევ მილიონ ტონას. მიზანი საწვავის ფასების შემცირებაა, რომელიც აშშ-ში ნოემბრის კონგრესის არჩევნების წინ ერთ-ერთ მწვავე ეკონომიკურ პრობლემად იქცა.შეთანხმების პარალელურად, აშშ-ის ფინანსთა სამინისტრომ რუსული დიზელის იმპორტთან დაკავშირებული სანქციები დროებით შეამსუბუქა. ნებართვა 2027 წლის 7 აპრილამდე იმოქმედებს.გადაწყვეტილება განსაკუთრებით საყურადღებოა იმის გათვალისწინებით, რომ ვაშინგტონი უკრაინაში ომის გამო რუსეთის ენერგეტიკულ სექტორს სანქციებს უწესებდა.Reuters-ის ინფორმაციით, ირანთან ომის დაწყების შემდეგ აშშ-ში დიზელის ფასი დაახლოებით 70%-ით გაიზარდა. ტრამპი იმედოვნებს, რომ რუსული საწვავის მიწოდება ფასებს შეამცირებს, თუმცა ექსპერტები შეთანხმების მნიშვნელოვან ეკონომიკურ ეფექტს ეჭვქვეშ აყენებენ.