ევროკავშირი–საქართველოს სამოქალაქო საზოგადოების პლატფორმის თანათავმჯდომარედ არჩეულია ჟურნალისტიკის რესურს ცენტრის (JRC) ხელმძღვანელი, ნათია კუპრაშვილი. აღნიშნულის შესახებ მან 9 აპრილს, ბიზნესმედია BMG-ში სტუმრობისას განაცხადა.

ნათია კუპრაშვილი ამ პოზიციაზე შეცვლის კახა გოგოლაშვილს, რომელიც პლატფორმის თანათავმჯდომარის ფუნქციას წლების განმავლობაში ასრულებდა. მისი საქმიანობის პერიოდში პლატფორმამ მნიშვნელოვანი როლი შეასრულა ასოცირების შეთანხმების განხორციელების მონიტორინგსა და სამოქალაქო სექტორის ინტერესების წარმოდგენაში.

რა არის პლატფორმა და რატომ არის მნიშვნელოვანი?

ევროკავშირი–საქართველოს სამოქალაქო საზოგადოების პლატფორმა შეიქმნა ევროკავშირსა და საქართველოს შორის ასოცირების შეთანხმების ფარგლებში და წარმოადგენს უნიკალურ მექანიზმს, რომელიც აერთიანებს ორივე მხარის სამოქალაქო საზოგადოების წარმომადგენლებს.

პლატფორმის მთავარი მიზნებია:

- ასოცირების შეთანხმების შესრულების მონიტორინგი

- რეკომენდაციების შემუშავება

- საზოგადოების ინფორმირება

- აქტიური კომუნიკაცია გადაწყვეტილების მიმღებ ინსტიტუტებთან

პლატფორმა ოფიციალურად დაარსდა 2016 წლის 16 ივნისს და მასში შედიან როგორც ევროკავშირის, ისე საქართველოს სამოქალაქო სექტორის წარმომადგენლები

გავლენა და მანდატი

პლატფორმას აქვს უფლება რეკომენდაციებით მიმართოს ასოცირების საბჭოს, რომელიც მინისტრთა დონეზე ფუნქციონირებს. ამასთან, ასოცირების კომიტეტი და საპარლამენტო ასოცირების კომიტეტი ვალდებულნი არიან რეგულარულად ითანამშრომლონ პლატფორმასთან და გაითვალისწინონ მისი ხედვები შეთანხმების მიზნების მიღწევის პროცესში.

პლატფორმის საქმიანობის ფარგლებში წლების განმავლობაში მიღებულია არაერთი მნიშვნელოვანი ერთობლივი დეკლარაცია და რეკომენდაცია, რომლებიც ეხება დემოკრატიულ განვითარებას, მედიის თავისუფლებას, ადამიანის უფლებებსა და სამოქალაქო საზოგადოების გაძლიერებას.

,,ვიცით რა მდგომაროებაა ქართულ მედიაში და სამოქალაქო სექტორში. არაერთი კანონი იქნა მიღებული, რომელიც  რომელიც ზღუდავს ამ სექტორების მუშაობას. და ამ ფონზე გვაქვს ასეთი საინტერესო ამბავი, აქამდეც ფუნქციონირებდა რა თქმა უნდა ეს საბჭო: ეს არის ქარტულ ევროპული საბჭო, რომელიც არის შექმნილი ასოცირების ხელშეკრულებით, რომელიც არსი გაფორმებული საქართველოს და ევროკავშირს შორის და რომლის მოქმედებაც საბედნიეროდ არ შეუჩერებია ბაოტნ ირაკლი კობახიძეს. პიქირით ქართული ოცნება აცხადებს, რომ მიყვება ასოცირების დღის წესრიგს. ასოცირების ხელშეკრულებაში წერია ცალკე თავები მედიის მუშაობაზეც და სამოქალაქო ორგანიაციების მუშაობაზეც. ამ სტრუქტურით საქართველდოანაც განსაზღვრულია სწორედ სამოქალაქო ორგანიაციების მონაწილება. ევროკავშირის მხირდნა თანათავმჯდომარე ყავს საბჭოს  და ისე მოხდა რომ ამ საბჭომ გადაწყვიტა რომ საქართველოდან მე ვიყო თანათავმჯდომარე, ვარ ახლადარჩეული. ჩვენ რაც მოვილაპარაკეთ საბჭოს წევრებმა და ასევე ევროკავშირის მხრიდან წარმომადგენლებმა, ვაპირბეტ ძალიან აქტიურ მუშაობას. აქტიური მუშაობა გვესმის ისე, რომ ასოცირების ხელშეკრუოება უფრო მაღალი რანგის დოკიმენტია ვიდრე მის შემდეგ მიღებული კანონ მედიასთან და სამოქალაქო სექტროთან მიმართებით. და ეს არის კარი, რომელსაც ჩვენ გამოვიყენებთ საქარტველოში სამოქალაქო და მედია ორგანზიაციების დამოუკიდებელი მუშაობისთვის. 9 აპრილს ამაზე უკეთესს ვერაფერს ვიტყოდი. აქტიური მუშაობა გვექნება, თუ მარღლა რას ვაკეთებთ ასოცირების დღის წესრიგის შესრულების მიმარტულებით , ჩვენი ქვეყნის გასაუმჯობესებლად." - განაცხადა ნათია კუპრაშვილმა