სომხეთის მთავრობამ გამოაცხადა ისტორიული პროექტი — ქვეყანაში აშენდება პირველი მაღალი სიმძლავრის AI ქარხანა, რომლის ღირებულება 500 მილიონ დოლარს აჭარბებს. პროექტი ხორციელდება სახელმწიფოს, მსოფლიოს უმსხვილესი AI-კომპანიის — NVIDIA-ს, საინვესტიციო ჰოლდინგ Firebird-ისა და ტექნოლოგიური ინფრასტრუქტურის მიმწოდებლის Team Group-ის პარტნიორობით.
რა არის NVIDIA?
NVIDIA არის ამერიკული ტექნოლოგიური კომპანია, რომელიც მსოფლიოს ერთ-ერთი წამყვანი ლიდერია გრაფიკული პროცესორების (GPU) და ხელოვნური ინტელექტის (AI) ტექნოლოგიების განვითარებაში. იგი დაარსდა 1993 წელს და თავდაპირველად ცნობილ იქნა თამაშებისთვის განკუთვნილი მაღალი წარმადობის ვიდეო ბარათებით (GeForce სერია).
დღეს კი NVIDIA დიდ ყურადღებას უთმობს AI-ს, მონაცემთა დამუშავებას, რობოტიკას და ავტომატიზაციას. მისი GPU-ები გამოიყენება სუპერკომპიუტერებში, მონაცემთა ცენტრებში, თვითმართვად მანქანებში, სამეცნიერო კვლევებში და თანამედროვე ხელოვნური ინტელექტის მოდელების გაწვრთნაში.
NVIDIA-ს ტექნოლოგიები დღეს უმნიშვნელოვანესია ისეთი გიგანტებისთვის, როგორიცაა OpenAI, Microsoft, Google და მრავალი სხვა. 2024 წლისთვის კომპანია გახდა პლანეტის ერთ-ერთი ყველაზე ძვირადღირებული ტექნოლოგიური ბრენდი.
დეტალები
NVIDIA არის ამერიკული ტექნოლოგიური კომპანია, რომელიც მსოფლიოს ერთ-ერთი წამყვანი ლიდერია გრაფიკული პროცესორების (GPU) და ხელოვნური ინტელექტის (AI) ტექნოლოგიების განვითარებაში. იგი დაარსდა 1993 წელს და თავდაპირველად ცნობილ იქნა თამაშებისთვის განკუთვნილი მაღალი წარმადობის ვიდეო ბარათებით (GeForce სერია).
დღეს კი NVIDIA დიდ ყურადღებას უთმობს AI-ს, მონაცემთა დამუშავებას, რობოტიკას და ავტომატიზაციას. მისი GPU-ები გამოიყენება სუპერკომპიუტერებში, მონაცემთა ცენტრებში, თვითმართვად მანქანებში, სამეცნიერო კვლევებში და თანამედროვე ხელოვნური ინტელექტის მოდელების გაწვრთნაში.
NVIDIA-ს ტექნოლოგიები დღეს უმნიშვნელოვანესია ისეთი გიგანტებისთვის, როგორიცაა OpenAI, Microsoft, Google და მრავალი სხვა. 2024 წლისთვის კომპანია გახდა პლანეტის ერთ-ერთი ყველაზე ძვირადღირებული ტექნოლოგიური ბრენდი.
დეტალები
მიუხედავად იმისა, რომ პროექტის დეტალები ჯერ სრულად არ არის გამჟღავნებული, ცნობილია, რომ სომხეთის მთავრობა მზად არის უზრუნველყოს მიწის ნაკვეთი, საგადასახადო შეღავათები და გამარტივებული ბიუროკრატიული პროცედურები. ქარხანა აღიჭურვება ათასობით NVIDIA Blackwell GPU-ით და გახდება პირველი უმაღლესი დონის მონაცემთა ცენტრი რეგიონში, რომლის სიმძლავრე 100 მეგავატს გადააჭარბებს.
პროექტში განსაკუთრებულ როლს ასრულებს NVIDIA-ს ვიცე-პრეზიდენტი და მსხვილი აქციონერი რევ ლებარედიანი — წარმოშობით სომეხი, რომელიც ამ ინიციატივის ერთ-ერთი მთავარ მმართველად ითვლება. ამით აიხსნება ამერიკული გიგანტის დაინტერესება ამ პატარა კავკასიური ქვეყნით.
სომხეთის ახალი ქარხანა არ იქნება მხოლოდ მონაცემთა დამუშავების ცენტრი — ის მიზნად ისახავს მაღალტექნოლოგიური განათლების, კვლევების და ინოვაციების ხელშეწყობას. დაგეგმილია სასწავლო ცენტრების, ინკუბატორებისა და ლაბორატორიების შექმნა, რაც მნიშვნელოვნად გაზრდის ქვეყნის ინტელექტუალურ პოტენციალს.
NVIDIA-ს აღმასრულებელი დირექტორი ჯენსენ ჰუანგი აცხადებს:
„AI-ქარხნები 21-ე საუკუნის კრიტიკული ინფრასტრუქტურაა. ვამაყობთ, რომ ვთანამშრომლობთ სომხეთთან ამ მნიშვნელოვან გზაზე და დარწმუნებულები ვართ, რომ AI-ის რეგიონული განვითარებისთვის მყარ საფუძველს ვქმნით.“
გერმანია და NVIDIA — ევროპული ტექნოლოგიური სუვერენიტეტის ქვაკუთხედი
ამავე პერიოდში, NVIDIA ახალ პარტნიორობას იწყებს გერმანიაში — ევროკავშირის ყველაზე ძლიერ ეკონომიკასთან. კომპანია Deutsche Telekom-თან ერთად გეგმავს ინდუსტრიული ხელოვნური ინტელექტის ღრუბლის შექმნას — ეს იქნება ევროპაში პირველი მასშტაბური AI ქარხანა, რომელიც განკუთვნილია საწარმოო სექტორის გარდაქმნისთვის.
როგორც ჯენსენ ჰუანგი ამბობს:
„დღევანდელ მსოფლიოში თითოეულ მწარმოებელს სჭირდება ორი ქარხანა: ერთი ნივთების დასამზადებლად და მეორე — იმ ინტელექტის შესაქმნელად, რაც ამ ნივთებს ამუშავებს.“
პროექტის პირველ ეტაპზე 10,000-ზე მეტი Blackwell GPU დაინერგება, რაც გერმანიის ისტორიაში უმსხვილეს AI განლაგებას წარმოადგენს. ამის გარდა, პლატფორმაზე წვდომა ექნება უნივერსიტეტებს, 900-ზე მეტ გერმანულ სტარტაპს და საშუალო ზომის კომპანიებს (Mittelstand), რომლებიც ქვეყნის ეკონომიკის ბირთვს ქმნიან.
NEURA Robotics — გერმანული კომპანია, რომელიც ამჟამად cognitive-რობოტებზე მუშაობს, ერთ-ერთი პირველი იქნება, ვინც აღნიშნულ რესურსს გამოიყენებს. ისინი ქმნიან პლატფორმას Neuraverse, სადაც რობოტები ერთმანეთისგან სწავლობენ — შექმნილი ცოდნა კი კოლექტიური ინტელექტის ბაზაში ინახება.
NEURA Robotics-ის დამფუძნებელი დევიდ რეგერი ამბობს:
„ფიზიკური AI არის მომავლის ელექტროენერგია — ის ყველა მანქანას ამუშავებს. ამ ინიციატივით ვაშენებთ სუვერენულ ინფრასტრუქტურას, რომელიც ევროპას ჭკვიანი რობოტიკის ლიდერად აქცევს.“
ევროპის AI გიგაქარხანა და ტექნოლოგიური დამოუკიდებლობის სტრატეგია
გერმანული პროექტი მხოლოდ დასაწყისია. ევროკავშირი გეგმავს AI gigafactory-ის აშენებას 2027 წლისთვის, რომელიც 100,000 GPU-ს და ევროპის ტექნოლოგიური სუვერენიტეტის საფუძველს დაეფუძნება.
დელოიტის კვლევის მიხედვით, ევროპას სასიცოცხლოდ სჭირდება მონაცემთა ცენტრების გაფართოება და ხელოვნური ინტელექტის განვითარება. ამიტომ, დღეს ეს ინვესტიციები არ არის მხოლოდ ამბიცია — ეს არის აუცილებლობა, რათა რეგიონმა კონკურენტუნარიანობა შეინარჩუნოს და ამერიკა-ჩინეთის ტექნოლოგიურ დაპირისპირებაში სრულად არ დაკარგოს პოზიციები.
