აშშ-ის თავდაცვის მდივანმა პიტ ჰეგსეთმა პარასკევს გამოსცა ახალი რეგულაციები, რომელთა მიხედვითაც ჟურნალისტებს მოეთხოვებათ ოფიციალური ესკორტის ყოლა, თუ მათ სურთ პენტაგონის შენობის დიდ ნაწილზე წვდომა.
ახალი წესების თანახმად, პენტაგონის პრესის კორპუსის აკრედიტებულ ჟურნალისტებს არ ექნებათ უფლება შევიდნენ თავდაცვის დეპარტამენტის შტაბ-ბინის უმეტეს ნაწილში ოფიციალური დამტკიცებისა და სამთავრობო ესკორტის გარეშე.
პენტაგონის პრესის კორპუსის წევრებს ასევე მალე გადაეცემათ ახალი სამკერდე ნიშნები, რომლებიც, ბრძანების თანახმად, უფრო მკაფიოდ განსაზღვრავს მათ, როგორც პრესის წარმომადგენლებს.
"მიუხედავად იმისა, რომ დეპარტამენტი რჩება გამჭვირვალობის ერთგული, დეპარტამენტი თანაბრად ვალდებულია დაიცვას CSNI (კლასიფიცირებული დაზვერვა) და სენსიტიური ინფორმაცია - აშშ-ის სამხედრო მოსამსახურეების სიცოცხლისთვის საფრთხის შემცველი არასანქცირებული გამჟღავნების შემთხვევაში", - განაცხადა ჰეგსეთმა მემორანდუმში.
ახალი შეზღუდვები მოჰყვა რამდენიმე გაჟონვას თავდაცვის დეპარტამენტიდან რამაც მნიშვნელოვანი უხერხულობა გამოიწვია ადმინისტრაციაში.
აშშ-ის წინა ადმინისტრაციების დროს, პრესას ჰქონდა მარტივი წვდომა შენობის არაუსაფრთხო და არაკლასიფიცირებულ მონაკვეთებზე.
პენტაგონის პრესის ასოციაციამ გააკრიტიკა ჰეგსეთის ნაბიჯი და მას პრესის თავისუფლების თავდასხმა უწოდა.
"ამის ტკბილად შეფუთვა შეუძლებელია. დღეს ჰეგსეთის მემორანდუმი, როგორც ჩანს, არის პირდაპირი თავდასხმა პრესის თავისუფლებაზე და ამერიკის უფლებაზე, იცოდეს რას აკეთებს მისი სამხედრო", - ნათქვამია განცხადებაში.
ჟურნალისტებისთვის დაწესებულ ახალ წესებს მოყვა კრიტიკა, რომ ტრამპის ადმინისტრაცია მიზნად ისახავს პრესის თავისუფლების შეზღუდვას აშშ-ში.
