ქართული მედიები სულ უფრო ხშირად წერენ იმ მკვლელობებზე, სადაც სავარაუდო მოტივად ე.წ. „კრიმინალურ გარჩევები“ ან „ქურდული სამყაროს გავლენა“ სახელდება:
ღამის მკვლელობა ხელვაჩაურში – ე.წ. ქურდული სამყაროს წილის მოთხოვნა?
📍 მდებარეობა: ხელვაჩაური, აჭარა📆 თარიღი: 3 ივნისი, 2025👤 მსხვერპლი: ბესო ბოლქვაძე, 32 წლის
ბათუმში მომუშავე ჟურნალისტების ინფორმაციით, ბესო ბოლქვაძე, რომელიც ტურისტებისთვის კატერის მომსახურებას აწვდიდა აჭარისწყალზე, საკუთარ ავტომობილში ავტომატური იარაღიდან მრავლჯერადი გასროლით მოკლეს. მისი მანქანა მდინარეში გადააგდეს. ცხედარი ოჯახის წევრებმა მეორე დღეს იპოვეს.
არსებული ინფორმაციით, ბესო ბოლქვაძეს ე.წ. „ქურდული სამყაროს“ წარმომადგენლები დაუკავშირდნენ და წილის დათმობა მოსთხოვეს. ასევე მოითხოვეს მის მიერ მოწყობილი ნავმისადგომის სხვებისთვის გადაცემა. ბოლქვაძემ მოთხოვნა არ შეასრულა – რასაც, ვარაუდობენ, ფატალური შედეგი მოჰყვა.
შინაგან საქმეთა სამინისტრო მკვლელობასთან დაკავშირებით მხოლოდ იმას აცხადებს, რომ გამოძიება დაწყებულია განზრახ მკვლელობისა და ცეცხლსასროლი იარაღის უკანონო ტარების მუხლებით. დაკავებული ამ დრომდე არავინ არის.
„რატის ბარში“ ახალგაზრდის მკვლელობა – შერბილებული სასჯელის შედეგი?
📍 მდებარეობა: თბილისი📆 თარიღი: 13 მაისი, 2025👤 მსხვერპლი: 18 წლის ახალგაზრდა
„რატის ბარში“ მომხდარი მკვლელობას განსაკუთრებული ბრაზიღ შეხვდა საზოგადოება. მომხდარი მას შემდეგ გახდა ცნობილი, რაც გაირკვა, რომ მკვლელი – 36 წლის კაცი – ცოტა ხნის წინ იყო გამოშვებული ციხიდან და ის წარსულშიც იხდიდა სასჯელს სხვა 18 წლის ახალგაზრდის მკვლელობისთვის.
რადიო თავისუფლების ინფორმაციით, ბარში კონფლიქტი მას შემდეგ დაიწყო, რაც ახალგაზრდა კაცმა მკვლელს მხარი გაჰკრა. კონფლიქტი სწრაფად გადაიზარდა ძალადობაში – რის შედეგადაც 18 წლის ბიჭი დაიღუპა.
ამ შემთხვევამ განაახლა დისკუსია იმაზე, თუ რამდენად არის სახელმწიფოს პოლიტიკა კრიმინალური წარსულის მქონე პირების სოციალურ ინტეგრაციაზე ეფექტური და როგორ ხდება მათი გათავისუფლება პირობების მკაცრი შეფასების გარეშე.
🔗 წყარო – რადიო თავისუფლება
მკვლელობა ვაკეში
📍 მდებარეობა: თბილისი, ჭავჭავაძის გამზირი📆 თარიღი: 14 მარტი, 2025👤 მსხვერპლი: ლევან ჯანგველაძე, 58 წლის
თბილისის ერთ-ერთ ცენტრალურ ქუჩაზე, ჭავჭავაძის გამზირზე მომხდარი მკვლელობა დაკვეთილი მკვლელობის სცენარით წარიმართა – დანაშაულის დამგეგმავი სავარაუდოდ ადგილზე ელოდებოდა მსხვერპლს და როცა ის დაცვის თანხლებით შენობიდან გამოვიდა, დაედევნა და მცირე მანძილზე მიჰყვა, რის შემდეგაც ცეცხლსასროლი იარაღით მოკლა.
მედიის ცნობით, მოკლული ლევან ჯანგველაძე ე.წ. „კანონიერი ქურდის“, მერაბ ჯანგველაძის (მეტსახელად „სოხუმსკი“) ძმაა. როგორც ტელეკომპანია „ტვ პირველი“ ავრცელებს, ჯანგველაძე საქართველოში რამდენიმე დღით იყო ჩამოსული და მის უსაფრთხოებაზე დაცვის წევრებიც ზრუნავდნენ.
ზემოხსენებული შემთხვევები მხოლოდ ბოლო პერიოდის ყველაზე ხმაურიანი მკვლელობებია. საძიებო სისტემებში სამწუხაროდ, სხვა არაერთი მკვლელობის ისტორია იძებნება.
