ABB Robotics-მა და NVIDIA-მ ახალი პარტნიორობა გამოაცხადეს, რომელიც ქარხნებში „ფიზიკური ხელოვნური ინტელექტის“ გამოყენებას ახალ ეტაპზე გადაიყვანს.

თანამშრომლობის ფარგლებში NVIDIA Omniverse-ის ბიბლიოთეკები პირდაპირ ინტეგრირდება ABB-ის პროგრამირებისა და სიმულაციის პლატფორმაში RobotStudio. ეს ტექნოლოგია უზრუნველყოფს ფიზიკურად ზუსტ სიმულაციას, რაც მნიშვნელოვნად ამცირებს ინჟინერულ სამუშაო დროს, ამცირებს დანერგვის ხარჯებს დაახლოებით 40%-ით და პროდუქტის ბაზარზე გამოშვების დროს 50%-ით აჩქარებს.

ახალი პროდუქტი, სახელწოდებით RobotStudio HyperReality, 2026 წლის მეორე ნახევარში გახდება ხელმისაწვდომი. ტექნოლოგიამ უკვე დიდი ინტერესი გამოიწვია ABB Robotics-ის საერთაშორისო მომხმარებლებში. პირველ სატესტო პროექტებში მონაწილეობენ Foxconn — მსოფლიოს უდიდესი ელექტრონიკის მწარმოებელი და ამერიკული კომპანია Workr, რომელიც რობოტიზაციას მცირე და საშუალო საწარმოებში ნერგავს.

ეს პარტნიორობა მნიშვნელოვანი ნაბიჯია ინდუსტრიისთვის, რომელიც დიდი ხანია ცდილობს რობოტებში AI-ზე დაფუძნებული ინტელექტის ეფექტურად გამოყენებას და ე.წ. „სიმულაციიდან რეალურ გარემოში გადასვლის“ (sim-to-real) პრობლემის გადაჭრას.

ABB Robotics-ის პრეზიდენტის, მარკ სეგურას თქმით:„RobotStudio-ს და NVIDIA Omniverse-ის ფიზიკურად ზუსტი სიმულაციის ტექნოლოგიის გაერთიანებით ჩვენ გადავჭერით ტექნოლოგიის ერთ-ერთი ყველაზე დიდი პრობლემა — სიმულაციასა და რეალურ მუშაობას შორის არსებული სხვაობა. ეს უზარმაზარი წინგადადგმული ნაბიჯია ფიზიკური AI-ის რეალურ ინდუსტრიულ გამოყენებაში.“

NVIDIA Omniverse-ის ბიბლიოთეკების RobotStudio-ში ინტეგრაცია საშუალებას აძლევს 60 000-ზე მეტ რობოტიკის ინჟინერს გამოიყენონ ფოტორეალისტური და ფიზიკურად ზუსტი სიმულაცია.

ამის შედეგად მწარმოებლებს შეუძლიათ:

ყველაფერი გააკეთონ ვირტუალურ გარემოში მანამდე, სანამ რეალური რობოტი ქარხანაში დაიდგმება.

RobotStudio HyperReality ქმნის სრულად პარამეტრიზებულ რობოტულ სადგურს — რობოტებით, სენსორებით, განათებითა და ნაწილებით — და მას USD ფაილის სახით NVIDIA Omniverse-ში აგზავნის. იქ ABB-ის ვირტუალური კონტროლერი იგივე პროგრამულ უზრუნველყოფას იყენებს, რასაც რეალური რობოტი, რაც სიმულაციასა და რეალურ მუშაობას შორის 99%-იან შესაბამისობას უზრუნველყოფს.

Omniverse-ში გენერირებული სინთეტიკური გამოსახულებები პირდაპირ გამოიყენება AI-ის სწავლების პროცესში, რაც საშუალებას იძლევა ვიზუალური სისტემები მთლიანად ვირტუალურ გარემოში გაიწვრთნას.

ფიზიკურად ზუსტი სიმულაციის, სინთეტიკური მონაცემების გენერაციისა და ABB-ის Absolute Accuracyტექნოლოგიის კომბინაცია მნიშვნელოვნად ზრდის სიზუსტეს.ეს ტექნოლოგია რობოტის პოზიციონირების შეცდომას 8–15 მილიმეტრიდან დაახლოებით 0.5 მილიმეტრამდე ამცირებს.

წლების განმავლობაში წარმოების კომპანიებს პრობლემას უქმნიდა ის, რომ სიმულაციაში მიღებული შედეგები ხშირად არ ემთხვეოდა რეალურ გარემოს — განსხვავდებოდა განათება, მასალების ქცევა და სხვა ფაქტორები.

NVIDIA-ს რობოტიკისა და Edge AI-ის მიმართულების ვიცე-პრეზიდენტის, დიპუ ტალას თქმით:

„ინდუსტრიას სჭირდება მაღალი სიზუსტის სიმულაცია, რათა AI-ზე დაფუძნებული რობოტების რეალურ წარმოებაში დანერგვა მასშტაბურად გახდეს შესაძლებელი. NVIDIA Omniverse-ის ინტეგრაცია RobotStudio-ში სწორედ ამ პროცესს აჩქარებს.“

RobotStudio HyperReality-ის გამოყენებით კომპანიებს შეუძლიათ წარმოების ხაზები მთლიანად ვირტუალურად შექმნან და შეამოწმონ, რაც დანერგვის დროს 80%-მდე ამცირებს და ფიზიკური პროტოტიპების საჭიროებას თითქმის სრულად გამორიცხავს.

რამდენიმე კომპანია უკვე ტესტავს RobotStudio HyperReality-ს.

Foxconn ტექნოლოგიას იყენებს სამომხმარებლო ელექტრონიკის წარმოებაში, სადაც საჭიროა განსაკუთრებული სიზუსტე და ხშირია პროდუქტის ცვლილებები. HyperReality-ის დახმარებით კომპანია რობოტებს ვირტუალურ გარემოში წვრთნის სინთეტიკური მონაცემებით და შემდეგ რეალურ საწარმოო ხაზზე მაღალი სიზუსტით იყენებს.

ამერიკული კომპანია Workr კი თავის პლატფორმას WorkrCore აერთიანებს ABB-ის რობოტებთან და NVIDIA Omniverse-ში გენერირებული მონაცემებით ავარჯიშებს AI სისტემებს.

კომპანია გეგმავს NVIDIA GTC 2026 კონფერენციაზე წარმოადგინოს რობოტები, რომლებიც ახალ დეტალებს რამდენიმე წუთში სწავლობენ და მათი გამოყენება პროგრამირების ცოდნის გარეშეც იქნება შესაძლებელი.

NVIDIA-ს დამფუძნებელი და CEO ჯენსენ ჰუანგი GTC კონფერენციაზე 16 მარტს სან ხოსეში AI-ისა და დაჩქარებული გამოთვლების უახლეს ტექნოლოგიურ მიღწევებზე ისაუბრებს.

კონფერენციაზე ასევე გაიმართება პანელი „Manufacturing-ის მომავლის შექმნა“, სადაც ABB Robotics წარმოაჩენს, როგორ ცვლის ეს ტექნოლოგიები ინტელექტუალური ავტომატიზაციის მომავალს.

წყარო: NVIDIA