ზიმბაბვეს ყოფილი პრეზიდენტის, რობერტ მუგაბეს ვაჟი, ბელარმინ მუგაბე, დაკავებულია ძალადობის საქმესთან დაკავშირებით, აცხადებენ პოლიციაში.

როგორც ონლაინ გამოცემა The New Zimbabwe იუწყება, ის იყო ერთ-ერთი იმ ხუთი მამაკაციდან, რომლებიც სამშაბათს დააკავეს ზიმბაბვეში ორი ავტომობილის სავარაუდო კონტრაბანდის გამოძიების ფარგლებში.

ადგილობრივი მედიის ცნობით, აღნიშნული ავტომობილები ზიმბაბვეს ანტიკორუფციულმა კომისიამ უკვე ამოიღო.

29 წლის მუგაბე რობერტ მუგაბესა და მისი მეორე ცოლის, გრეის მუგაბეს უმცროსი ვაჟია. რობერტ მუგაბე, რომელიც 2019 წელს გარდაიცვალა, ზიმბაბვეს 37 წლის განმავლობაში მართავდა, სანამ 2017 წელს, 93 წლის ასაკში, იძულებით არ გადააყენეს ხელისუფლებიდან.

პოლიციის განცხადებით, მუგაბე დააკავეს მუნაშე მუბავუსთან (43 წლის), ტერენს იოჰანეს ჩინემბასთან (42 წლის), ფრედსონ პიტერთან (33 წლის) და სოლომონ პამირესთან (34 წლის) ერთად.

პოლიციის განცხადების მიხედვით, ხუთივე მათგანი დაკავებულია ძალადობის საქმესთან დაკავშირებით, რომელიც 3 ნოემბერს, ადგილობრივი დროით დაახლოებით 18:30 საათზე (16:30 GMT), ჰარარეში, Brompton Guest Lodge-ში მოხდა.

ისინი სასამართლოს წინაშე 5 ნოემბერს წარდგებიან.