კრიშტიანუ რონალდუმ სოციალურ ქსელში გამოაცხადა, რომ პორტუგალიის ეროვნული საფეხბურთო ნაკრებიდან წასვლას აპირებს. 41 წლის ფეხბურთელმა აღნიშნა, რომ ნოემბრის სანაკრებო პაუზის შემდეგ „ნომერ 7“ მაისურს დააბრუნებს.

რონალდუმ პორტუგალიის ნაკრებში 234 მატჩი ჩაატარა და 146 გოლი გაიტანა. ის მამაკაცთა ნაკრებებში ჩატარებული მატჩებისა და გატანილი გოლების მსოფლიო რეკორდსმენია.

„პორტუგალიელ ხალხს მინდა ვუთხრა, რომ დადგა დღე, როცა ჩვენი ეროვნული გუნდის ნომერ 7 მაისურს ვაბრუნებ,“ — განაცხადა რონალდუმ გრძელ ვიდეომიმართვაში. „ეს მაისური არასდროს მიმაჩნდა მხოლოდ ჩემად, მაგრამ 23 წლის განმავლობაში მქონდა პრივილეგია და პასუხისმგებლობა, მეცვა, დამეცვა და მსოფლიოს სხვადასხვა სტადიონზე თან წამეღო.“