აშშ ძალის გამოყენების შემთხვევაში საპასუხოდ ასევე ძალას გამოიყენებს, - ამის შესახებ აშშ-ის ვიცე-პრეზიდენტმა ჯეი დი ვენსმა ცენტრალური სარდლობის მიერ ირანში განხორციელებული დარტყმების შემდეგ განაცხადა.

ვენსის თქმით, ირანმა ცეცხლის შეწყვეტის შეთანხმებას ხელი მოაწერა და ვაშინგტონი ამ შეთანხმებას პატივს სცემს.

„ირანმა ხელი მოაწერა ცეცხლის შეწყვეტის შეთანხმებას. ჩვენ მას პატივს ვცემთ. თუ ურთიერთგაგების მემორანდუმის შესრულებასთან დაკავშირებით განსხვავებული პოზიცია აქვთ, შეუძლიათ ტელეფონი აიღონ და დარეკონ“, - დაწერა ვენსმა X-ზე.

ცნობისთვის, აშშ-ის ცენტრალურმა სარდლობამ განაცხადა, რომ ჰორმუზის სრუტეში კომერციულ გემზე თავდასხმის შემდეგ ირანის ტერიტორიაზე დრონებისა და რაკეტების საცავებზე დარტყმები განახორციელა.

მოგვიანებით, ირანის ისლამური რევოლუციის გუშაგთა კორპუსმა განაცხადა, რომ სპარსეთის ყურეში აშშ-ის სამხედრო ობიექტებზე საპასუხო დარტყმები მიიტანა.