რუსეთის საწვავის ბაზარზე შექმნილი სირთულეები დროებითია და ქვეყნის საერთო ეკონომიკურ დინამიკაზე გავლენას არ მოახდენს. ამის შესახებ რუსეთის პრეზიდენტმა ვლადიმერ პუტინმა მთავრობის სხდომაზე განაცხადა.
პუტინის თქმით, გარე ძალების მცდელობების მიუხედავად, საწვავისა და ენერგეტიკის სექტორში ვითარების დესტაბილიზაცია მოახდინონ, რუსეთის ეკონომიკა და მისი ძირითადი დარგები სტაბილურ მდგომარეობას ინარჩუნებს.
მისივე მტკიცებით, 2026 წლის მაისში რუსეთის მთლიანი შიდა პროდუქტი 0.3%-ით გაიზარდა, ხოლო წლის პირველი ხუთი თვის განმავლობაში ეკონომიკურმა ზრდამ 0.2% შეადგინა.
„ეკონომიკური განვითარების სამინისტროს მონაცემებით, მაისში რუსეთის მშპ მოკრძალებული ტემპით, თუმცა მაინც გაიზარდა და დადებით მაჩვენებელზე დარჩა. ზრდამ 0.3% შეადგინა, ხოლო მიმდინარე წლის პირველი ხუთი თვის განმავლობაში - 0.2%“, - განაცხადა პუტინმა.
