გემი, რომელიც ოდესღაც მსოფლიოში ყველაზე სწრაფი იყო და ტიტანიკზე უფრო გრძელი, ფლორიდის სანაპიროსთან ჩაძირული იქნება და მსოფლიოში ყველაზე დიდი ხელოვნური ოკეანის რიფად გადაიქცევა.
SS United States თითქმის 30 წელი ფილადელფიაში იყო გაჩერებული, სანამ ფლორიდაში გადაიყვანეს, სადაც მალე ზღვის ცხოველებისთვის სახლად და წყალქვეშა მოყვარულებისთვის მიმზიდველ ატრაქციონად იქცევა.
აქტივისტებმა უშედეგოდ იბრძოლეს ისტორიული ლაინერისთვის — რომელმაც ასობითჯერ გადაკვეთა ატლანტის ოკეანე — რომ მუზეუმად შემენარჩუნებინათ.
ამის ნაცვლად, მას შემდეგ რაც ფლორიდის ოლქმა შეიძინა, გემი დაემატება სანაპიროსთან არსებულ ათეულობით ხელოვნურ რიფს, ხოლო გემის ისტორიის შესახებ მიწაზე მუზეუმის გახსნაც იგეგმება.
გემის პენსიაზე გასვლამდე, SS United States ცნობილი იყო როგორც სამეფო ოჯახის წევრებისა და ცნობილ ადამიანების გადამზიდავი აშშ-დან ევროპაში, 1952 წლიდან 1969 წლამდე.
ახალგაზრდა ბილ კლინტონი, სანამ პრეზიდენტი გახდებოდა, ამ გემით გადაკვეთა ატლანტიკა. ყოფილი პრეზიდენტები ჰარი ტრუმენი, დუაიტ აიზენჰაუერი და ჯონ კენედიც მოგზაურობდნენ ამ ხომალდით.
გემი ფილადელფიიდან ალაბამაში გადაიყვანეს გასულ წელს დასუფთავებისა და აღდგენის სამუშაოებისთვის. ორშაბათს, მან ბოლო მოგზაურობა განახორციელა ალაბამიდან ფლორიდის დესტინის სანაპიროსკენ, სადაც ოთხშაბათს ჩაძირული იქნება ზუსტი ოპერაციით, აფეთქებების გარეშე.
ვარსკვლავები, მათ შორის მარლონ ბრანდო, კოკო შანელი, დიუკ ელინგტონი, სალვადორ დალი, უოლტ დისნეი, ჯუდი გარლენდი და ქერი გრანტი, ასევე მგზავრობდნენ ამ გემით მისი მოქმედების პერიოდში.
ფლორიდის მუნიციპალური მთავრობის მიერ შეძენამდე, რამდენიმე წინადადება იყო, რომლითაც გემს მეორე სიცოცხლე მუზეუმის ან მცურავი სასტუმროს სახით უნდა მიეღო, თუმცა ეს გეგმები ვერ განხორციელდა.
ამის ნაცვლად, ცნობილი გემი სხვადასხვა მფლობელთან სხვადასხვა ნავსადგურში იდგა, სანამ სამართლებრივი დავები მიმდინარეობდა.
SS United States Conservancy ჯგუფი არაერთხელ ცდილობდა გემის წყალში შენარჩუნებას, მაგრამ უშედეგოდ.
Conservancy-ის პრეზიდენტი სიუზან გიბსი — რომლის ბაბუამ SS United States-ის დიზაინში მიიღო მონაწილეობა — ამბობს, რომ უხარია, გემის ისტორია გაგრძელდება.
„[გემი] ყოველთვის იყო ეს უშუალოდ ამერიკული სიმბოლო, რომელიც უამრავ ადამიანს აერთიანებს,“ — განუცხადა გიბსმა CBS News-ს, BBC-ის ამერიკელ პარტნიორს.
