მოსკოვის ოლქის ქალაქ კრასნოზავოდსკში ქიმიურ ქარხანაში აფეთქებები მოხდა, რის შემდეგაც საწარმოს ტერიტორიაზე ხანძარი გაჩნდა. ადგილობრივი მცხოვრებლები რამდენიმე ძლიერი აფეთქების შესახებ იუწყებიან.
Telegram-არხ Shot-ის ინფორმაციით, აფეთქების შედეგად შვიდი ადამიანი დაიღუპა. ისინი №4 საამქროში იმყოფებოდნენ, რომელიც მთლიანად ჩამოინგრა. ამ დროისთვის დაღუპულთა რაოდენობა ოფიციალურად დადასტურებული არ არის. სხვა წყაროების ცნობით, საწარმოდან 40-ზე მეტი ადამიანი გაიყვანეს.
შემთხვევა 1 ოქტომბერს მოხდა. კრასნოზავოდსკი დაახლოებით 100 კილომეტრში მდებარეობს იმ ადგილიდან, სადაც რუსეთის პრეზიდენტი ვლადიმირ პუტინი „ვალდაის“ ფორუმზე სიტყვით გამოდიოდა.
Reuters-იც ადასტურებს, რომ პუტინი 1 ოქტომბერს „ვალდაის“ ფორუმზე სიტყვით გამოვიდა.
თავდაპირველ გავრცელებულ ინფორმაციაში ასევე აღნიშნულია, რომ წლევანდელი ფორუმი სოჭიდან მოსკოვის რეგიონში უსაფრთხოების მოსაზრებებით გადაიტანეს, უკრაინული დრონებით შესაძლო თავდასხმების გამო.
აფეთქების მიზეზი ამ ეტაპზე უცნობია და ოფიციალურ უწყებებს მომხდართან დაკავშირებით სრული ინფორმაცია ჯერ არ გაუვრცელებიათ.
