ნიუ-იორკის ქალაქ ბრუკლინში საცხოვრებელ კორპუსში გაჩენილი ხანძრის შედეგად ექვსი ადამიანი დაიღუპა, აცხადებენ ოფიციალური პირები.

ნიუ-იორკის სახანძრო დეპარტამენტის (FDNY) განცხადებით, ხანძრის შედეგად რამდენიმე ადამიანი დაშავდა. შემთხვევა ხუთშაბათს დილით, ადრე მოხდა.

ხანძრის შესახებ შეტყობინების მიღებისთანავე, დაახლოებით 01:40 საათზე (ადგილობრივი დროით; 06:40 GMT), შემთხვევის ადგილზე, სანსეტ პარკის მახლობლად, 230-ზე მეტი მეხანძრე და სასწრაფო სამედიცინო დახმარების თანამშრომელი გაიგზავნა.

ქალაქის მერმა ზოჰრან მამდანიმ განაცხადა, რომ ის „გულგატეხილია“ დაღუპულთა გამო და ნიუ-იორკელებს სთხოვა, „დაიცალონ წუთით და ილოცონ დაშავებულთა სრულ გამოჯანმრთელებაზე“.

ხანძრის გამომწვევი მიზეზი ამ ეტაპზე იძიება.

ადგილზე გაიგზავნა საშიში მასალების სპეციალიზებული ჯგუფი, რადგან შენობაში ლითიუმ-იონური ბატარეა იყო აღმოჩენილი, თუმცა უცნობია, უკავშირდება თუ არა ეს ხანძრის გაჩენას.

მედიის ცნობით, მაშველებმა ადგილზე მისვლისას შენობის პირველი და მეორე სართული მთლიანად ალში აღმოჩნეს.

FDNY-ის ინფორმაციით, ოთხი ადამიანი ადგილზე გარდაცვლილად გამოცხადდა.

ნიუ-იორკის პოლიციის დეპარტამენტის (NYPD) განცხადებით, მამაკაცი და ქალი საავადმყოფოში გადაიყვანეს, სადაც ისინი გარდაიცვალნენ.

FDNY-ის ცნობით, დაშავდა კიდევ ექვსი მოქალაქე, მათგან ორის მდგომარეობა კრიტიკულია, ასევე მსუბუქად დაშავდა სამი მეხანძრე.