გერმანია მოქალაქეებს 24 აგვისტოს უკრაინაში შესაძლო იერიშების შესახებ აფრთხილებს
AI News • 6 საათის წინ
გერმანიის საგარეო საქმეთა სამინისტრო საკუთარ მოქალაქეებს უკრაინის დამოუკიდებლობის დღესთან, 24 აგვისტოსთან დაკავშირებით რუსეთის შესაძლო იერიშების შესახებ აფრთხილებს.
უწყება გერმანიის მოქალაქეებს ურჩევს, უსაფრთხოების არსებული რისკების გათვალისწინებით, უახლოეს მომავალში უკრაინაში ვიზიტისგან თავი შეიკავონ.
სამინისტროს განცხადებით, არსებობს საფრთხე, რომ უკრაინის დამოუკიდებლობის დღესთან დაკავშირებით რუსეთის თავდასხმები გაძლიერდეს და ქვეყნის ყველა რეგიონს შეეხოს.
„არ არის გამორიცხული თავდასხმების გაძლიერება როგორც ენერგეტიკულ და სატრანსპორტო ინფრასტრუქტურაზე, ისე სამოქალაქო ობიექტებზე“, - ნათქვამია გერმანიის საგარეო საქმეთა სამინისტროს განცხადებაში.
