ოკუპირებულ ცხინვალში, 18 სექტემბერს დაგეგმილი ე.წ. საპრეზიდენტო არჩევნებისთვის დე ფაქტო ცენტრალურმა საარჩევნო კომისიამ ოთხი კანდიდატი დაარეგისტრირა.
კანდიდატები არიან მარატ კამბოლოვი, ზურაბ კოკოევი, მურატ ვალიევი და ყაზბეკ კოდოევი. მათგან კამბოლოვი ამჟამად ე.წ. პრეზიდენტის მოვალეობას ასრულებს.
ვადამდელი „არჩევნების“ ჩატარება მას შემდეგ გადაწყდა, რაც 23 ივნისს დე ფაქტო პრეზიდენტი ალან გაგლოევი რუსეთის პრეზიდენტ ვლადიმირ პუტინის მრჩევლად დაინიშნა.
22 აგვისტოს ცნობილი გახდა, რომ რეგისტრაციიდან მოიხსნა პარტია „ირი ფარნის“ კანდიდატი ხოხ ჩოჩიევი. უარის ერთ-ერთ მიზეზად რუსული ენის სათანადოდ არცოდნა დასახელდა.
