საფრანგეთში მსოფლიოში პირველი ლიტერატურული პრემია დააწესეს ავტორებისთვის, რომლებმაც თავიანთი ნაწარმოებები ხელოვნური ინტელექტის დახმარებით შექმნეს.
პრემიას ფრანგი მათემატიკოსისა და ფილოსოფოსის, ბლეზ პასკალის სახელი ეწოდა.
კონკურსში მონაწილეობა შეუძლიათ ავტორებს, რომლებმაც ხელოვნური ინტელექტი ნაწარმოების შესაქმნელად ინოვაციურად გამოიყენეს. ჟიური შეაფასებს არა მხოლოდ ტექნოლოგიურ სიახლეს, არამედ წიგნის მხატვრულ და ინტელექტუალურ ღირებულებას, ასევე მის საზოგადოებრივ მნიშვნელობას.
განაცხადების მიღება 2026 წლის ნოემბრის ბოლომდე გაგრძელდება. გამარჯვებული დეკემბერში გამოვლინდება და ჯილდოს სახით წიგნის გამოცემის შესაძლებლობას მიიღებს.
პრემიის ყოველწლიურად გადაცემა იგეგმება.
