აშშ-ის პირველმა ლედიმ, მელანია ტრამპმა განაცხადა, რომ მისი შუამავლობით რუსეთი და უკრაინა ქალაქ ოლეშკიში ცეცხლის დროებით შეწყვეტაზე შეთანხმდნენ. შეთანხმების მიზანი მშვიდობიანი მოსახლეობის ევაკუაცია და ჰუმანიტარული დახმარების მიწოდებაა.

რუსეთის მიერ ოკუპირებულ ქალაქში დაახლოებით 1 700 მშვიდობიანი მოქალაქე რჩება, ძირითადად ხანდაზმულები. მათ საკვების, მედიკამენტებისა და სასმელი წყლის მწვავე დეფიციტი აქვთ. დანაღმული გზებისა და მუდმივი თავდასხმების გამო მოსახლეობა ქალაქის დატოვებას ვერ ახერხებს.

შეთანხმება 27 ოქტომბრიდან უნდა ამოქმედდეს. ცეცხლის დროებით შეწყვეტა ორივე მხარემ დაადასტურა.

უკრაინის პრეზიდენტის, ვოლოდიმირ ზელენსკის განცხადებით, ჰუმანიტარული ოპერაციის შესახებ მოლაპარაკებები დიდი ხანია მიმდინარეობს და უკრაინა შეთანხმებით ნაკისრ ვალდებულებებს შეასრულებს.

კრემლშიც აღიარებენ მელანია ტრამპის წვლილს. მოლაპარაკებებში მონაწილეობდა რომის პაპიც.

ჰუმანიტარული ოპერაცია რამდენიმე დღეს გაგრძელდება. მისი მიზანია მოსახლეობის უსაფრთხო ევაკუაცია და ქალაქში საკვებისა და მედიკამენტების შეტანა.

წყარო: CNN