კანადაში, ალბერტის პროვინციაში მდებარე უეინრაიტის სამხედრო ბაზაზე მომხდარ შემთხვევას მსხვერპლი მოჰყვა. 17 ოქტომბერს ბაზაზე გაჩენილი ხანძარი ძლიერი ქარის გამო სწრაფად გავრცელდა და სამხედრო ობიექტის ტერიტორიას გასცდა.
კანადის თავდაცვის მინისტრმა დაადასტურა დაღუპულებისა და დაშავებულების არსებობა, თუმცა თავდაპირველად მათი რაოდენობა არ დაუსახელებია.
დაშავებულთა სიმრავლის გამო ადგილობრივი სამედიცინო დაწესებულებები გადაიტვირთა, რის გამოც პაციენტების ედმონტონის საავადმყოფოებში გადაყვანა გახდა საჭირო.
ადგილობრივი ხელისუფლების ცნობით, ხანძრის გავრცელება შეჩერებულია, თუმცა ადგილზე საგანგებო სამსახურები მუშაობენ.
შემთხვევის გამომწვევი მიზეზი ჯერჯერობით დაუდგენელია. გამოძიებაში სამხედრო უწყება და კანადის პოლიცია მონაწილეობენ.
განახლება: 18 ოქტომბერს გავრცელებული უფრო ახალი ინფორმაციით, აფეთქებისა და ხანძრის შედეგად სულ მცირე 7 ადამიანი დაიღუპა, ათობით კი დაშავდა.
