საფრანგეთში, 17 ოქტომბერს, საწვავის ფასების ზრდისა და ცხოვრების გაძვირების წინააღმდეგ გამართული მასობრივი დემონსტრაციები რამდენიმე ქალაქში ძალადობრივ არეულობაში გადაიზარდა.
ქვეყნის მასშტაბით საპროტესტო აქციებში, შინაგან საქმეთა სამინისტროს მონაცემებით, 550 ათასი ადამიანი მონაწილეობდა. დემონსტრანტები ასევე მოითხოვდნენ განათლების სისტემის გაუმჯობესებას, მასწავლებლების დეფიციტის აღმოფხვრასა და საჯარო მომსახურებაში დამატებით ინვესტიციებს.
მშვიდობიანი დემონსტრაციების პარალელურად, ძალადობრივმა ჯგუფებმა პარიზში, მარსელში, ლილსა და სხვა ქალაქებში მაღაზიები დაარბიეს, მანქანები დაწვეს და პოლიციას დაუპირისპირდნენ. სამართალდამცველებმა ცრემლსადენი გაზი და წყლის ჭავლი გამოიყენეს.
არეულობის შედეგად დაკავებულია დაახლოებით 1 800 ადამიანი. დაშავებულია დაახლოებით 500 პოლიციელი, მეხანძრე და გადაუდებელი დახმარების თანამშრომელი. დაზიანებულია დაახლოებით 1 500 სავაჭრო ობიექტი.
18 ოქტომბერს საფრანგეთის ქალაქებში დაზიანებული ქუჩებისა და შენობების დასუფთავება დაიწყო.
