უკრაინამ 18 ოქტომბრის ღამეს რუსეთის ტერიტორიაზე ერთ-ერთი ყველაზე მასშტაბური დრონებით შეტევა განახორციელა. დარტყმის ერთ-ერთი მთავარი სამიზნე სანქტ-პეტერბურგის ნავთობტერმინალი გახდა, სადაც ხანძარი გაჩნდა.
რუსეთის თავდაცვის სამინისტროს განცხადებით, ღამის განმავლობაში 1 015 უკრაინული დრონი ჩამოაგდეს. სანქტ-პეტერბურგში თავდასხმას მსხვერპლი და დაშავებულები მოჰყვა.
შეტევა განხორციელდა აშშ-ის პრეზიდენტ დონალდ ტრამპის მოთხოვნის მიუხედავად, უკრაინამ რუსეთის ნავთობინფრასტრუქტურაზე დარტყმები შეწყვიტოს.
ტრამპმა ერთი კვირის წინ განაცხადა, რომ რუსეთი და უკრაინა ენერგოობიექტებზე თავდასხმების შეწყვეტაზე შეთანხმდნენ, თუმცა ეს შეთანხმება არცერთ მხარეს არ დაუდასტურებია.
უკრაინის პრეზიდენტის, ვოლოდიმირ ზელენსკის განცხადებით, ბოლო ერთი კვირის განმავლობაში რუსეთმა უკრაინის ენერგეტიკულ და ნავთობგაზის ინფრასტრუქტურას 76-ჯერ შეუტია.
ამ ფონზე კიევსა და ვაშინგტონს შორის ურთიერთობები იძაბება. ზელენსკი ასევე აცხადებს, რომ Starlink-ის გამოყენებაზე დაწესებული შეზღუდვები უკრაინის თავდაცვით შესაძლებლობებს აზიანებს. აშშ-ის ადმინისტრაცია შეზღუდვების დაწესებას უარყოფს.
