მოდის სამყაროს ერთ-ერთი ყველაზე სანახაობრივი ღონისძიება, Victoria’s Secret Fashion Show, 18 ოქტომბერს ლოს-ანჯელესში გაიმართება. პოდიუმზე ცნობილი სუპერმოდელები დაბრუნდებიან, თუმცა ქართველი მაყურებლისთვის მთავარი ინტრიგა კვლავ მატილდა გვარლიანის შესაძლო მონაწილეობაა.

ბრენდმა მონაწილეთა ვინაობის ეტაპობრივად გამოცხადება უკვე დაიწყო. 2026 წლის შოუში მონაწილეობა დადასტურებული აქვთ შემდეგ მოდელებს:

მონაწილეთა შესახებ ინფორმაცია გამოქვეყნებულია ბრენდის ოფიციალურ გვერდზე და გამოცემებში InStyle, Cosmopolitan და Folha de S.Paulo. სია საბოლოო არ არის და შესაძლოა ახალი სახელებიც დაემატოს.

გამოვა თუ არა მატილდა გვარლიანი?

ქართველი მოდელი, რომელიც 2024 წელს Victoria’s Secret-ის პოდიუმზე გამოსული პირველი ქართველი გახდა, წლევანდელ დადასტურებულ მონაწილეთა შორის ჯერჯერობით არ არის. მისი შესაძლო დაბრუნების შესახებ საუბარი იმან ჰამამის Instagram-ზე გამოქვეყნებულმა ფოტოებმა გააჩინა, თუმცა ოფიციალური დადასტურება არ არსებობს.

წელს შოუს მუსიკალურად გააფორმებენ KATSEYE, Megan Moroney, Megan Thee Stallion და Tate McRae. კიდევ ერთი სიახლეა პროექტი Angels Among Us, რომლის გამარჯვებულიც სწორედ 18 ოქტომბერს გამოვლინდება და პოდიუმზე გავა.

ღონისძიების პირდაპირი ტრანსლაცია Victoria’s Secret-ის ოფიციალურ YouTube-არხზე, Instagram-სა და TikTok-ზე იქნება ხელმისაწვდომი. საქართველოს დროით შოუ 19 ოქტომბერს, დილის 03:30 საათზე დაიწყება.

https://content.api.news/v3/images/bin/519149891dfd3add9b11c09c379b9756?width=1920