9 ოქტომბერს პანამაში 7,6 მაგნიტუდის ძლიერი მიწისძვრა მოხდა, რამაც ცენტრალური და სამხრეთ ამერიკის წყნარი ოკეანის სანაპიროებზე ცუნამის საფრთხე წარმოშვა.
აშშ-ის გეოლოგიური სამსახურის (USGS) ინფორმაციით, მიწისძვრის ეპიცენტრი ქვეყნის სამხრეთ ნაწილში, დასახლება პიტალოსა-არიბას მახლობლად მდებარეობდა. მთავარ ბიძგს ძლიერი განმეორებითი ბიძგებიც მოჰყვა.
მიწისძვრამ შენობები დააზიანა, გზებზე ბზარები გაჩნდა. მოსახლეობის ევაკუაცია განხორციელდა საცხოვრებელი სახლებიდან და სკოლებიდან. ძლიერი რყევები დედაქალაქ პანამა-სიტიშიც იგრძნობოდა.
ცუნამის საფრთხის შესახებ გაფრთხილებები გავრცელდა მეზობელ ქვეყნებშიც, მათ შორის კოსტა-რიკაში, ეკვადორში, პერუსა და მექსიკაში.
პანამის პრეზიდენტმა ხოსე რაულ მულინომ მოსახლეობას სიმშვიდისკენ მოუწოდა. პირველადი ინფორმაციით, დაღუპულთა შესახებ ცნობები არ გავრცელებულა.
