2027 წლის 1-ელი იანვრიდან 70 წლამდე ასაკის პენსიონერების პენსია 45 ლარით გაიზრდება და 415 ლარი გახდება. ამის შესახებ 12 ოქტომბერს ირაკლი კობახიძემ განაცხადა.
თავდაპირველად, ბიუჯეტის პროექტით, პენსიის მხოლოდ 20 ლარით ზრდა იყო გათვალისწინებული. კობახიძის განცხადებით, გაზრდილი თანხის გამოყოფა ეკონომიკურმა ზრდამ გახადა შესაძლებელი. ცვლილებისთვის ბიუჯეტიდან დამატებით 128 მილიონი ლარი გამოიყოფა.
ამასთან, 2027 წელს იზრდება მაღალჩინოსნებისა და დეპუტატების ხელფასებიც. პრეზიდენტის, პრემიერისა და პარლამენტის თავმჯდომარის ანაზღაურება 1350 ლარით გაიზრდება და 17 350 ლარს მიაღწევს, ხოლო რიგითი დეპუტატის ხელფასი 1080 ლარით მოიმატებს და 13 880 ლარი გახდება.
