შინაგან საქმეთა სამინისტრო 27 წლის ტაილანდელი მოგზაურის, ჰლუნ სოლოს, გარდაცვალების საქმეს სისხლის სამართლის კოდექსის 115-ე მუხლით იძიებს. მოგზაური YouTube-ზე ჰლუნ სოლოს სახელით იყო ცნობილი.
„რადიო თავისუფლების“ ინფორმაციით, ახალგაზრდა მამაკაცი დაახლოებით ორი კვირის წინ თბილისში, ერთ-ერთი სასტუმროს ნომერში გარდაცვლილი იპოვეს.
ოჯახი მანამდე საზოგადოებას მის პოვნაში დახმარებას სთხოვდა. ახლობლების განცხადებით, საქართველოში სამოგზაუროდ მყოფ ბავორნტატ პენგსუკთან კავშირი 13 ივლისს დაკარგეს.
ოჯახის ცნობით, ის საქართველოში მარტო მოგზაურობდა და YouTube-არხისთვის ვიდეოებს იღებდა.
რამდენიმე საათით ადრე ტაილანდურმა მედიამ ქვეყნის საგარეო საქმეთა სამინისტროს განცხადება გაავრცელა, რომლის თანახმადაც, დიპლომატიური უწყებები 27 წლის მოგზაურის ადგილსამყოფლის დასადგენად ქართველ სამართალდამცველებთან და ტაილანდელ მოხალისეებთან თანამშრომლობდნენ.
