როგორ გხედავს ხელოვნური ინტელექტი, რას ამბობს შენზე და რამდენად ხშირად ხვდები მის პასუხებში — სწორედ ამ კითხვებზე მუშაობს ახალი ქართული სერვისი AVEO, რომელიც ბიზნესებს, ორგანიზაციებსა და ექსპერტებს AI-ს ეპოქაში საკუთარი ციფრული ავტორიტეტის მართვას სთავაზობს.

ინტერნეტში ხილვადობის წესები იცვლება. თუ რამდენიმე წლის წინ ბრენდებისთვის მთავარი გამოწვევა Google-ის საძიებო სისტემაში მაღალი პოზიცია იყო, დღეს მომხმარებლები სულ უფრო ხშირად ინფორმაციას პირდაპირ ChatGPT-ს, Gemini-ს, Perplexity-ს, Copilot-სა და სხვა გენერაციულ AI-სისტემებს ეკითხებიან.

ამ ცვლილებაზე პასუხად საქართველოს ბაზარზე გამოჩნდა AVEO — AI Visibility & Entity Optimization, სერვისი, რომელიც კომპანიებსა და პროფესიონალებს ეხმარება გაიგონ, როგორ „კითხულობს“, აღიქვამს და წარმოადგენს მათ ხელოვნური ინტელექტი და როგორ შეიძლება ამ წარმოდგენის გაუმჯობესება.

AVEO-ს მთავარი გზავნილია — „შენი კუთვნილი ადგილი AI-ის პასუხებში.“

Google-იდან AI-ის პასუხებამდე

AVEO-ში ამბობენ, რომ ციფრული რეპუტაცია დღეს მხოლოდ ვებსაიტის SEO-თი აღარ განისაზღვრება.

AI-სისტემამ შეიძლება კომპანიის შესახებ ინფორმაცია სხვადასხვა წყაროდან შეაგროვოს, განსხვავებულად დააკავშიროს ერთმანეთთან და მომხმარებელს უკვე მზა პასუხის სახით მიაწოდოს. შესაბამისად, ბიზნესისთვის მნიშვნელოვანი ხდება არა მხოლოდ ინტერნეტში ინფორმაციის არსებობა, არამედ მისი სიზუსტე, სტრუქტურა, სანდოობა, თანმიმდევრულობა და ციტირებადობა.

სწორედ ამიტომ AVEO-ს მომსახურება იწყება აუდიტით — გუნდი იკვლევს, როგორ ჩანს კონკრეტული ბრენდი სხვადასხვა AI-სისტემაში, ენაზე, მომხმარებლის სცენარსა და ციფრულ გარემოში.

ამის შემდეგ შესაძლებელია როგორც ციფრული პროფილებისა და კონტენტის ოპტიმიზაცია, ისე უფრო გრძელვადიანი სტრატეგიის შექმნა.

რას სთავაზობს AVEO ბიზნესს

AVEO-ს სერვისები მოიცავს:

AVEO-ს ერთ-ერთი მნიშვნელოვანი განსხვავება კვლევითი მიდგომაა. საჭიროების მიხედვით გუნდი იყენებს მონიტორინგს, სიღრმისეულ ინტერვიუებს, ფოკუსჯგუფებს, მომხმარებლის სცენარების სიმულაციას, კვაზიექსპერიმენტულ კვლევას და კონკურენტულ ანალიზს.AVEO-ს სერვისები მოიცავს:

სხვადასხვა პროფესიის ექსპერტები ერთ გუნდში

AVEO-ს უკან მრავალპროფილური გუნდი დგას, რომელიც აერთიანებს მედიის, კვლევის, სტრატეგიული კომუნიკაციის, ციფრული მარკეტინგის, AI-ის, ვიზუალური კომუნიკაციისა და ბიზნესსამართლის გამოცდილებას.

AVEO -ს გუნდის სხვა წევრებთან ერთად, ნათია კუპრაშვილი AVEO-ს სტრატეგიულ მიმართულებას, კვლევასა და AI-ინოვაციებს უძღვება; ნინა ხელაძე — სტრატეგიულ კომუნიკაციასა და კვლევით პროცესებს; ალექსანდრე ჩომახიძე — Digital Marketing, SEO/GEO-ს, გენერაციულ AI-სა და ავტომატიზაციას; გიორგი მანთიძე — ვიზუალურ და ციფრულ კომუნიკაციას; ირმა ჭარაქაშვილი — მარკეტინგსა და PR-ს; ხოლო იურისტი ჯაბა გველებიანი უზრუნველყოფს კონფიდენციალურობის, მონაცემთა დაცვის, კონტრაქტებისა და შესაბამისობის სამართლებრივ ჩარჩოს.

ეს განსაკუთრებით მნიშვნელოვანია AI-აუდიტის დროს, როდესაც კომპანიამ გუნდს შესაძლოა მისცეს წვდომა შიდა მონაცემებზე, საკომუნიკაციო პროცესებსა და კომერციულად მგრძნობიარე ინფორმაციაზე.

ახალი კონკურენცია — AI-ის პასუხებში

AVEO-ს იდეა ეფუძნება მარტივ ცვლილებას: მომხმარებლის ძიება თანდათან იქცევა საუბრად ხელოვნურ ინტელექტთან.

ადამიანმა შეიძლება აღარ მოძებნოს „საუკეთესო დეველოპერი საქართველოში“ Google-ში ათი ბმულის სანახავად — მან შეიძლება პირდაპირ ჰკითხოს AI-ს, რომელ კომპანიებს ურჩევს და რატომ.

იგივე ეხება ბანკებს, კლინიკებს, ფინტექ კომპანიებს, უნივერსიტეტებს, სასტუმროებს, იურიდიულ კომპანიებსა თუ ინდივიდუალურ ექსპერტებს.

ამიტომ ციფრული კონკურენციის ახალი სივრცე უკვე მხოლოდ საძიებო შედეგების პირველი გვერდი აღარ არის.

ის AI-ის პასუხია.

და სწორედ ამ სივრცეში საკუთარი კუთვნილი ადგილის პოვნას სთავაზობს AVEO საქართველოს ბაზარს.

ვებგვერდი: aveo.geელფოსტა: info@aveo.geტელეფონი: +995 577 69 41 03