გერმანია უკრაინას 1,3 მილიარდ ევროზე მეტი ღირებულების დახმარების ახალ პაკეტს გამოუყოფს. ამის შესახებ უკრაინის პრეზიდენტმა ვოლოდიმირ ზელენსკიმ გერმანიის კანცლერ ფრიდრიხ მერცთან კიევში გამართულ ერთობლივ პრესკონფერენციაზე განაცხადა.
პაკეტი მოიცავს სამხედრო და ენერგეტიკულ დახმარებას. ზელენსკის თქმით, თანხის ნაწილი ახალი ჩამჭრელი დრონების წარმოებას მოხმარდება, რომლებიც რეაქტიული ტიპის „შაჰედების“ წინააღმდეგ იქნება გამოყენებული.
ფრიდრიხ მერცის განცხადებით, დაახლოებით 350 მილიონი ევრო უკრაინის ენერგეტიკული სექტორის მხარდაჭერას მოხმარდება. მისი თქმით, დახმარება უკრაინის საჰაერო თავდაცვის გაძლიერებას და რუსეთის თავდასხმებით დაზიანებული ენერგეტიკული ინფრასტრუქტურის აღდგენას შეუწყობს ხელს.
